E evidente que o patriarcalismo, a família hierárquica, o centralismo do pénis, a estrutura falocrática e a divisom do trabalho por sexos NOM som inventos do capitalismo e existem desde há milénios e milénios. Mas o sexismo sim é um invento do capitalismo histórico. Porque foi o capitalismo que estabeleceu umha correlaçom entre a divisom do trabalho e VALORIZAÇOM DO TRABALHO, que criou e institucionalizou o sexismo ao realizar umha constante desvalorizaçom do trabalho das mulheres e umha paralela constante insistência no valor do macho adulto. Foi o capitalismo quem criou a distinçom legal e paralegal entre "cabeça de família" e "dona de casa" e quem tornou "natural" o invento de que aquele cobre salário "porque trabalha" e que esta nom cobre salário "porque nom trabalha". Foi o capitalismo como sistema quem engendrou o sexismo.